نكت جزائرية مضحكة
—————————-
واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة
—————————-
واحد الطلاب كان يهدر مع وحدة سمينة قالها ‘اعطني الدراهم باش نشري الخبز راني يومين ما كليتش’ قاتلو’ راني حاسداتك على لاطاي نتاعك يرحم ابوك قولي شكون الطبيب اللي عطاك هدا الريجيم
————————-
زوج كباش تفاهمو مع بعض ..كل واحد يعور الاخر ..باش ما يدبحوهمش فالعيد الكبير
—————————-
واحد كان يتبع في وحدة قالها “واش بيك تجري واش راه وراك ” قاتلو”راه ورايا حمار
”
حمار شاف خطيبته (حمارة)قالها”وقتاش نتزوجو يا حمارة” قاتلو”كي تسقم هدرتك يا واحد الحمار
”
قالك واحد الجزار راح يخطب قالولو موالين الطفلة “لازم تدفع 5ملاين فالعروس” قاللهم “علاش شحال للكيلو
—————————-
واحد الكلب قعد غي ينبح حتى ضرو راسو…..علاه..كان ينبح في واحد اطرش
—————————-
خطرة واحد كان يسرح بالنعاج وحاط رجل فوق رجل ويتكيف في قارو ايا طاحت طيارة قريب ليه…كي جات الصحافة تسالو كيفاش الحادثة المسكين من الخلعة بزاف قالهم كنت نسرح بالطيارة و حاط قارو فوق قارو ونتكيف في رجلي .لقيت النعاج طاحو
—————————-
مرة واحد كان قدام البحر هو و حبيبته ..ايا قاتلو”فاش يفكرك غروب الشمس ” قالها “برجوع قرانديزر الى القاعدة
”
—————————-
نكت جزائرية x نكت جزائرية
واحد فنيان يخدم في حانوت تاع الدجاج (يبيع الدجاج حي) جات عندو وحدة و قالتلو “شوفلي دجاجة فيها 2كيلو”. ايا شاف مليح فالدجاج وقال”اللي فيها 2كيلو تنوض
”
—————————-
واحد قال ليماه بغيت نتزوج بوحدة بيضة وطويلة وخدامة …قالتلو شوف كاش فريجيدار
————————–*-
قالك وواحد قال لباباه “شريلي بورتابل ” قالو ” نشريلك بصح ركب خوتك معاك
—————————-
قالك واحد مهبول دايمن حاكم الحيط و حاط وذنو عليه ويسمع كي شافو الطبيب قالو”واش راك تسمع” قالو المهبول “اسمع بوذنك” كي حط الطبيب وذنو على الحيط قالو “ماراني نسمع والو”ايا قالو المهبول “هادي اللي راها مهبلتني
—————————-
قالك واحد نــارفو بزاف (مقلق) يحكي مع مرتو :ا
قاللها: نحكيلك حكاية صراتلي اليوم، لكن من كـــثر ماهي غريبة عارفك ماكيـــش راح تصدّقيني و علابالي راح تقولولي كذّاب! لكن آنا مانيش كذاب! إنت الكذابة، إنت و اهلك و اهل والديك! يالّي ماكش متربية و ما تحشميــــش و اهلك ما ربّاوكش!!.. و الغلطة فيّا آنا عاملّك قيمة و قدر و نحكي معاك!!!.... تعرفــي كيفاه؟.. إنت طالق!!
موضوع: نكت جزائرية 
